Выхаваўчая праца

Працэс выхавання плануецца ў адпаведнасці з нарматыўнай і заканадаўчай базай, з улікам сацыяльна-педагагічнай характарыстыкі вучылішча. Развіццё сістэмы выхавання дзяцей і навучэнскай моладзі ажыццяўляецца ў адпаведнасці з асноўнымі палажэннямі ідэалогіі беларускай дзяржавы, прынцыпамі дзяржаўнай палітыкі ў сферы адукацыі, дзяржаўнай маладзёжнай палітыкі, Кодэкса Рэспублікі Беларусь аб адукацыі, Канцэпцыі і Праграмы бесперапыннага выхавання дзяцей і навучэнскай моладзі ў Рэспубліцы Беларусь на 2021-2026 гады.

Праца па выхаванні і сацыялізацыі з навучэнцамі з'яўляецца складовай часткай навучальнага працэсу, яго працягам у пазаўрочны час і праводзіцца ў адпаведнасці з планам выхаваўчых. мерапрыемстваў, якія распрацоўваюцца на навучальны год і рэалізуюцца пад кіраўніцтвам намесніка дырэктара па ідэалагічнай і выхаваўчай рабоце.

Мэта выхаваўчай працы – аб'яднанне намаганняў усіх суб'ектаў адукацыйнага працэсу для стварэння спрыяльнага выхаваўчага асяроддзя, якое фармуе рознабакова развітую, маральна спелую, творчую асобу навучэнца, яго асобаснае, прафесійнае, сацыяльнае станаўленне ў якасці будучага трэнера, грамадзяніна Рэспублікі Беларусь, спартсмена высокай кваліфікацыі, гатовага годна прадстаўляць нашу краіну на міжнароднай спартыўнай арэне.

Выхаваўчая праца працэс складаны і шматгранны, таму і формы працы разнастайныя: гутаркі, лекцыі, сітуатыўныя практыкумы, сустрэчы з цікавымі людзьмі, сумесныя заняткі ў творчых аб'яднаннях, калектыўна-творчыя справы, экскурсіі, канцэрты, правядзенне сацыяльных акцый і праектаў.

Непасрэдны ўдзел у гэтым працэсе прымаюць 8 класных кіраўнікоў, 2 куратара навучальных груп, 2 выхавацеля, 2 памочніка выхавацеля, педагог псіхолаг, педагог сацыяльны, педагог-арганізатар, бібліятэкар. Кадры ўкамплектаваны і маюць адукацыю ў адпаведнасці з кваліфікацыйнымі патрабаваннямі.

Вялікае значэнне ў арганізацыі навучальна-трэніровачнага і выхаваўчага працэсу надаецца сям'і. Трэнерска-выкладчыцкі калектыў падтрымлівае пастаянную сувязь з бацькамі навучэнцаў.

Увесь выхаваўчы працэс і ўмовы, створаныя для вучняў ва УА «БДВАР», садзейнічаюць якаснай падрыхтоўцы спартыўнага рэзерву і спартсменаў высокага класа Рэспублікі Беларусь.