17 лістапада Ганаровы грамадзянін Бабруйска, заслужаны трэнер Рэспублікі Беларусь па цяжкай атлетыцы, суддзя вышэйшай нацыянальнай катэгорыі, трэнер-выкладчыца вучылішча Міхаіл Мікалаевіч Рабікоўскі з самай раніцы прымаў віншаванні, букеты кветак, падарункі... У гэты дзень Міхаілу Мікалаевічу споўнілася 70 гадоў.
На пасяджэнні гарадскога выканаўчага камітэта Міхаіл Рабікоўскі за шматгадовую добрасумленную працу, значны асабісты ўклад у спартыўную дзейнасць атрымаў ганаровую грамату з рук старшыні гарвыканкама Ігара кісяля.
Затым Урачыстае мерапрыемства прайшло ў вучылішчы, дзе юбіляра павіншавалі дырэктар Павел Дзмітрыевіч Бельскі, намеснік дырэктара па асноўнай дзейнасці Віктар Мікалаевіч Аляксейчык, заслужаны трэнер Рэспублікі Беларусь Нона Мікалаеўна Жукавец, старшыня гарадской арганізацыі Беларускага прафесійнага саюза работнікаў культуры, інфармацыі, спорту і турызму Алена Чабатарова, выпускнік Міхаіла Мікалаевіча, прызёр чэмпіянатаў Еўропы і свету, начальнік нацыянальнай каманды Беларусі па цяжкай атлетыцы Дзмітрый Багук, яшчэ адзін выпускнік Рабікоўскага м. м., прызёр Алімпійскіх, заслужаны майстар спорту, дырэктар ДЮСШ №1 Генадзь Аляшчук, выпускніца трэнера, сярэбраны прызёр Алімпіяды ў Рыа-дэ-Жанейра і ўдзельніца Алімпійскіх гульняў у Токіа, заслужаны майстар спорту Дар'я Навумава, цяперашнія навучэнцы аддзялення цяжкай атлетыкі вучылішча з трэнерам-выкладчыкам Наталляй Сізенок.