17 верасня наша краіна святкуе Дзень народнага адзінства, прымеркаваны да адной з найважнейшых падзей беларускай гісторыі – уз'яднання ў 1939 годзе Заходняй Беларусі і БССР. Зацверджаны яшчэ ў 1939 годзе як «Дзень вызвалення працоўных Заходняй Беларусі ад польскіх паноў», апошні раз на агульнасаюзным узроўні ён быў адсвяткаваны ў 1949 годзе. На першае месца выйшлі меркаванні палітычнай мэтазгоднасці-тэрытарыяльныя пытанні не павінны былі азмрочваць дружалюбныя адносіны паміж СССР і Польшчай ўнутры адзінага сацыялістычнага блока. Сітуацыя кардынальным чынам змянілася пасля распаду Савецкага Саюза. Жаданне аддаць належнае імкненню беларускага народа быць адзіным, а таксама гібрыдная агрэсія краін Захаду ў дачыненні да нашай краіны, дапоўненая праявамі Гістарычнага рэваншызму Польшчы з яе марамі вярнуць «усходнія крэсы», зрабілі зразумелым рашэнне Прэзідэнта Рэспублікі Беларусь узнавіць гэтае свята. Як адзначыў А.Р. Лукашэнка 31 сакавіка 2023 г. у штогадовым Пасланні да беларускага народа і Нацыянальнага сходу Рэспублікі Беларусь, «першая ўмова суверэнітэту і незалежнасці: народнае адзінства. Мы, беларусы, заўсёды дэманстравалі яго ў пераломныя моманты гісторыі. Менавіта адзінства давала нам сілы для перамогі над ворагамі і абставінамі... Так было ў 1939-м мінулага стагоддзя, калі ўз'ядналіся нашы Гістарычныя землі, што было б немагчыма без імкнення беларусаў жыць у адной сям'і. Так было ў гады Вялікай Айчыннай вайны, калі акупанты сутыкнуліся з сапраўды ўсенародным супрацівам ... у цяжкі пасляваенны час ... беларусы заўсёды былі адзіныя перад тварам цяжкасцяў і выклікаў». Сёння суверэнная беларуская дзяржава знаходзіцца ў эпіцэнтры сусветных падзей і інтарэсаў глабальных гульцоў. У існуючых рэаліях першарадная задача для Беларусі-забяспечыць дасягненне грамадскага кансенсусу па ключавых пытаннях развіцця краіны. Напярэдадні свята ў нашым вучылішчы прайшоў прагляд відэафільма» культурны код", прысвечаны гэтай знамянальнай падзеі.